Ne si prindër fëmijën tonë e kemi sjellë në këtë qendër para 1 viti, me rekomandim nga një familjar i yni. Fillimisht, fëmija jonë ka pas fjalor shumë të zbehtë për moshën që ka pasë, me vështirësi në përpilimin e fjalive, ka qenë tepër kokëfortë, inatqor dhe kohë pas kohe me ndonjë sjellje problematike. Planprogrami i fëmijës qysh prej fillimit, ka qenë adekuat dhe në përputhje me nevojat e fëmijës, dhe për më tepër ka adresuar edhe sjelljet problematike dhe të papërshtatshme. Sot, si rezultat i kësaj dhe punës tepër të mirë të terapeutëve, fëmija jonë arrin të thotë fjali deri me 5 fjalë, ka përparuar sa i përket aftësive akademike, pavarësisht faktit që ende nuk vijon klasën e parë. Mbi të gjitha, njohuritë e fituara arrin t’i shpreh me të gjithë, gjë e cila ka qenë sfiduese dhe shqetësuese për fëmijën tonë në të kaluarën, e kjo është arrirë falë stilit të punës në grupe dhe ndërrimit të terapeutëve, në mënyrë që fëmija të gjeneralizojë njohuritë dhe t’i ketë funksionale, e në të njëjtën kohë të mos lidhet emocionalisht vetëm me një terapeut. Unë rekomandoj këtë qendër terapeutike jo vetëm për cilësitë profesionale, por sepse për secilin fëmijë kjo qendër ofron shumë dashuri, ngrohtësi dhe ndjenjën e të qenurit si në shtëpi me familjarë.

Sa i përket eksperiencës sonë si prindër në QTH, jemi jashtëzakonisht të kënaqur me trajtimin që i është bërë vajzës sonë.Vajza jonë vijon tretmanin tash e një vit dhe përgjatë kësaj periudhe, ka arritur rezultate shumë të mira në të gjitha fushat e zhvillimit. Si rezultat i tretmanit dhe terapisë në QTH vajza jonë çdo ditë ka përparime të dukshme. Sa i përket stafit të qendrës mund të themi se vajza menjëherë posa ka filluar tretmanin është ambientuar e kjo falë ngrohtësisë dhe afërsisë që stafi i qendrës ka me fëmijët. Tek stafi kemi parë profesionalizëm, ku të njëjtit janë të trajnuar për të aplikuar teknika moderne të terapisë dhe që është më e rëndësishme kemi parë harmoni, koordinim të mirë dhe bashkëpunim briliant mes tyre. QTH udhëhiqet nga një profesor brilliant, i cili poashtu përkujdeset dhe përcjellë deri në detajet e fundit zhvillimin e fëmijëve. Prandaj, si prind i rekomandoj të gjithëve QTH. Në QTH fëmija juaj është në duar të sigurta!

Jam me shumë fat që kam hasur në një qendër të tillë siç është QTH! Po bëhen dy vite prej që jemi pjesë e kësaj Qendre dhe përgjatë këtyre dy viteve fëmija im ka përparuar në të gjitha fushat, ashtu siç se kishim menduar asnjëherë, dhe kjo ka arritur falë punës së jashtëzakonshme dhe të palodhur të terapeutëve të kësaj Qendre dhe Profesorit të nderuar Bojan Radic. Me të vërtetë është mbresëlënës suksesi që fëmija ynë ka arritur gjatë kësaj periudhe. Uroj që prindërit e tjerë të kenë fatin e tillë siç e kam pasur unë dhe t’i drejtohen Qendrës Terapeutike Heimerer, e të marrin ndihmën që ju nevojitet për fëmijët e tyre. Nuk do të zhgënjehen asnjëherë! Faleminderit edhe një herë shumë Qendrës Terapeutike Heimerer, terapeutëve dhe Prof. Bojan Radic. Respekt!

Ne si prindër jemi jashtëzakonisht të kënaqur me Qendrën Terapeutike Heimerer, e veçanërisht shërbimeve nga ekspertët terapeutë të klinikës së Autizmit. Fëmija jonë ka ardhur pranë kësaj klinike vitin e kaluar, duke u bazuar rekomandimeve të dëgjuara nga Konferenca e Mjekëve, të publikuar në media. Sa i përket qasjes ABA, e njohur dhe e përdorur botërisht, e konsiderojmë si një terapi shumë efikase dhe mund të themi se ka ndikuar shumë pozitivisht tek fëmija jonë, duke u mësuar fëmijëve shprehinë e punës, duke filluar nga disa minuta e deri në 2 orë, me terapistë në rrotacion, duke i shpërblyer ata me lojëra të ndryshme dhe duke nxitur komunikimin dhe frymëzimin e tyre për bashkëpunim.

Qendra Terapeutike Heimerer është vendi ku ne si prindër kemi gjetur zgjedhjen e duhur për vështirësitë që vajza jonë ka shfaqur. Falë terapive të vazhdueshme dhe punës profesionale të stafit të Qendrës, vajza jonë ka treguar përmirësim të jashtëzakonshëm në zhvillim të të folurit, komunikimit dhe socializimit. Stafi dhe terapeutët ofrojnë maksimalisht afërsi, ngrohtësi, saktësi dhe punë fantastike me fëmijët.